Kombëtarja shqiptare është grumbulluar në Durrës, ku janë duke përgatitur përballjen me Skocinë dhe Uellsin. Skocezët janë prova e fundit në Ligën e Kombeve. Panucci është duke u përballur me shumë vështirësi para këtyre dy ndeshjeve, pasi grupi i lojtarëve nuk është i plotë për shkak dëmtimesh.
Por tek kuqezinjtë duket se ka një problem edhe me komunikimin, pasi komunikimi bëhet në tre gjuhë. Përkrah shqipes flitet edhe italishtja e gjermanishtja.
Italisht flasin me trajnerin kryesisht disa prej futbollistëve që luajnë në Itali e disa që janë rritur atje. Gjermanisht flasin kryesisht futbollistët e lindur e rritur në Gjermani e Zvicër.
Më problem gjuhën shqipe mësohet se e kanë Kaçe, Binaku, Veseli dhe Vrioni. Kjo situatë vjen pasi tek kuqezinjtë shumica e lojtarëve janë rritur në shtete të huaja dhe kanë ardhur të përfaqësojnë Shqipërinë.
