34-vjeçari Arlen Hasanaj, i akuzuar për vendosjen e tritolit në banesën e kreut të FSHF-së Armand Duka është lënë në burg nga Gjykata e Durrësit.
Gjykata ka pranuar kërkesën e Prokurorisë, për biznesmenin 34-vjeçar.
Seanca gjyqësore u zhvillua me dyer të mbyllura, nën masa të rrepta sigurie, pasi Gjykata është boshatisur nga brenda dhe dyert e jashtme janë të mbyllura.
Vlen të theksohet fakti se Hasanaj rezulton me një djegie në dorën e djathtë. Dyshimet janë se 34-vjeçari është djegur gjatë ndezjes së fitilit, në momentin para se të hidhte kallëpin e tritolit në portën e jashtme të oborrit të Dukës.
