Edhe pse nuk kishte asnjë kualifikim zyrtar si shkencëtar, Stanley Meyers, ishte një shpikës shumë prodhimtar. Midis vitit 1960 dhe vdekjes së tij të parakohshme në vitin 1998, aplikoi për gati 200.000 patenta për shërbimin bankar elektronik, holterin që mat aktivitetin e zemrës etj.
Por shpikja e tij më e bujshme ishte makina që punonte jo me naftë apo benzinë, por me ujë. Makina e krijuar prej tij mund të përshkonte gjithë SHBA-në me vetëm 75 litra ujë të distiluar, duke çliruar në ajër vetëm oksigjen si mbetje.
Ajo makinë do ta revolucionarizonte transportin dhe transformonte industrinë. Meyers bëri bujë në media. Ai u kontaktua nga disa nga kompanitë e prodhimit të makinave. Më 21 mars 1998, u ul të drekonte në një lokal të vogël në Ohajo me 2 investitorë. 10 minuta më vonë ndërroi jetë.
Mjekët thanë se vdiq nga hemorragjia cerebrale. Por disa teoricienë konspiracioni, pretendojnë se ai u helmua nga kompanitë e mëdha të naftës, që ndiheshin të kërcënuara nga shpikja e tij. Pak ditë më vonë, makina e tij me ujë u gjet e shkatërruar në garazhin e shtëpisë së tij.
TIRANA TODAY
