Alyn Pierce është një nga infermierët që së bashku me kolegët e tij në Kalifornia ka qëndruar në gatishmëri, duke ndihmuar njerëzit që rrezikoheshin nga zjarri i madh.
Infermieri arriti të shpëtojë jetë njerëzish, duke transportuar njerëz drejt një zone të sigurt, me anë të automjetit të tij Toyota Tundra.
Ai udhëtoi mes zjarrit dy herë me automjetin e tij, duke shpëtuar jetë njerëzish, por në anën tjetër dogji makinën. Në një pikë, automjeti i tij ngeci dhe nuk ishte në gjendje të lëvizte më. Makina u braktis, ndërsa infermieri i bllokuar nga zjarri nuk priste të mbijetonte. Madje, ai mendoi se ky ishte fati i tij, duke regjistruar një mesazh me zë për familjarët e tij.
Por, një buldozer u shfaq nga hiçi duke i shpëtuar atij jetën pasi e dërguan në spital.
Pas publikimit të automjetit të djegur, kompania Toyota në Amerikë i ofroi atij një automjet të ri, si dhuratë për shpëtimin e jetëve.
“Përshëndetje Allyn, përulemi për sakrificën tënde duke shpëtuar jetë pasi dërgove njerëz në një zonë të sigurt me Toyota Tundra. Mos u shqetëso për kamionin, jemi të nderuar të të ofrojmë një të ri”, shkruan kompania në një koment.
Infermieri u shpërbleu me një automjet të ri, megjithatë si shumë njerëz, ai ka mbetur tashmë pa punë dhe pa shtëpi, pas zjarrit të madh që përfshiu Kaliforninë./ TIRANA TODAY
