Të paktën 20 persona kanë mbetur të plagosur nga shpërthimi i sotëm në Green Parsons në Londër.
Policia Metropolitane konfirmoi se shpërthimi i sotëm ishte një akt terrorist, ndërsa dyshohet dhe po hetohet për një bombë të dytë.
Mes të plagosurve ka edhe fëmijë, të cilët nxituan të tmerruar që të largoheshin nga treni, duke shkelur njëri-tjetrin.
Personat e plagosur kanë pësuar djegie në fytyrë dhe trup, pas shpërthimit të bombës artizanale të vendosur në një kovë të bardhë plastike.
Të gjithë njerëzit janë evakuuar, ndërsa një kordon prej njëqind metrash u ngrit rreth stacionit dhe një helikopter policie ishte gjithashtu lart për të monitoruar zonën.
Disa orë pas shpërthimit, zv/ndihmësi i policisë metropolitane, koordinatori i lartë kombëtar për policinë kundër terrorizmit, ka konfirmuar se shpërthimi në metro ishte një incident terrorist:
“Stacioni mbetet i rrethuar dhe ne po i këshillojmë njerëzit të shmangin zonën. Ne i bëjmë thirrje publikut të qëndrojë i qetë, por i vëmendshëm dhe nëse keni ndonjë shqetësim, shihni ose dëgjoni ndonjë dyshim, atëherë kontaktoni policinë”.
