Shpërthimet kanë tronditur një port kyç të Ukrainës, vetëm një ditë pasi Kievi dhe Moska arritën një marrëveshje historike për të lejuar rifillimin e eksporteve të grurit.
Disa shpërthime goditën qytetin perëndimor të Odessa herët të shtunën në mëngjes. Shkaku i shpërthimeve është i paqartë.
Sipas kushteve të marrëveshjes së së premtes, Rusia ra dakord të mos synonte portet ndërsa dërgesat e grurit janë në tranzit.
OKB-ja e kishte përshkruar marrëveshjen, duke lejuar eksportin e miliona tonëve drithë, si “një fener shprese”. Oleksiy Honcharenko, një deputet lokal shkroi në Telegram se kishte pasur gjashtë shpërthime në qytet dhe se porti i tij kishte marrë zjarr pas sulmit.
Honcharenko shtoi se mbrojtja ajrore ukrainase rrëzoi disa raketa të tjera, dhe se avionët luftarakë ishin të përfshirë në luftime kundër qytetit.
“Këta të poshtër nënshkruajnë kontrata me njërën dorë, dhe me tjetrën drejtojnë raketa”, ka shkruar ai.
“Pra, ne kemi nevojë për avionë dhe ne duhet të fundosim të gjithë flotën e Detit të Zi të Federatës Ruse. Kjo do të jetë aranzhimi më i mirë për eksportin e drithit”.
Burimi i lajmit: BBC. Përshtatur nga Tirana Today
