Mëngjesin e sotëm, një shpërthim i fuqishëm ka ndodhur në Athinë, në fillim të bulevardit Syggrou. Mediat greke raportojnë se si pasojë e shpërthimit, kati i parë i një pallati është përfshirë nga flakët.
Një person ka mbetur i plagosur, dhe është transportuar me autoambulancën në spital. Bëhet fjalë për një 78-vjeçar i cili ka djegie në gjymtyrët e sipërme dhe të poshtme. Ai u dërgua me urgjencë në sallën e operacionit.
Në vendngjarje kanë mbërritur 18 zjarrfikëse me 6 automjete, dhe 1 mjet special me shkallë, të cilët tashmë kanë bërë të mundur neutralizimin e pjesshëm të flakëve.
Shpërthimi i fortë dhe vala goditëse kanë shkaktuar dëme në shumë objekte në një distancë të largët, ku janë thyer xhamat dhe janë shembur fasadat e ndërtesave.
Shkaku i shpërthimit ende nuk është përcaktuar. Bëhet e ditur se qarkullimi në rrugën Syggrou është ndërprerë.
