Në orët e para të ditës ka ndodhur një shpërthim eksplozivi në një bankomat të një prej bankave të nivelit të dytë në Urën Vajgurore. Policia njofton se nga shpërthimi nuk ka të lënduar, por autorët kanë grabitur paratë që ndodheshin në bankomat.
Sipas informacioneve jozyrtare nga banka e nivelit të dytë, mendohet se janë vjedhur rreth 5 milionë lekë të vjetra. Uniformat blu tashmë kanë nisur hetimet, për zbardhjen e ngjarjes dhe arrestimin e autorëve. Grupi hetimor po merr gjurmët e gishtave, ndërsa po shqyrtohen edhe kamerat e sigurisë.
