Vullkani më i madh aktiv në botë, Etna ka shpërthyer duke nxjerrë nga krateri llavë, duke mbushur qiejt mbi Sicili me pluhur vullkanik. Mësohet nga mediat italiane se, dy aeroporte në qytetin e dytë më të madh të ishullit, Katania, janë detyruar të mbyllen përkohësisht.
Vullkani Etna, ndodhur në Itali shpërthen shpesh por rrallë herë shkakton dëme, teksa shpërthimi i fundit i madh ka qenë në vitin 1992.
Italia ka një varg vullkanesh aktivë dhe të fjetur, me më të famshmin, malin Vezuv, që ndodhet afër Napolit dhe që shpërtheu në shekullin e 79 pas Krishtit duke i marrë jetën mijëra vetëve në qytetet e afërta Pompei dhe Herculaneum.
Më herët këtë muaj, vullkani në ishullin e Strombolit shpërtheu papritur duke vrarë një person. Turistët ishin evakuuar nga ishulli pasi kishin kërkuar shpëtim në det, kur edhe nisi shpërthimi.
