Ndonëse sot Renato Mekolli është ndër shefat më të famshëm të kuzhinës, atij i është dashur që të punojë shumë për të arritur në këtë stad. Së fundmi, ai ka tërhequr vëmendjen me emisionin që drejton, ‘Hell’s Kitchen’.
I ftuar në emisionin ‘Thumb”, Renato ka treguar detaje nga e kaluara e tij, që ishin të panjohura për publikun. Ai ka thënë se gjithçka nuk ka qënë e lehtë për të, pasi dikur ka punuar edhe si murator me të atin në Greqi.
“Unë kam shitur gërvisht dhe fito. Kam punuar edhe si murator me babin në Greqi. Por kam larë edhe pjata. Dhe kjo pjesa ‘Ua ka larë pjata, ua kështu, ua ashtu’ më duket shumë fallso tek njerëzit.
Dhe situata e showbizz-it shqiptar sepse bëjnë sikur kanë filluar gjithmonë lart. Ndërkohë ne jemi një vend kaq i varfër, dhe i shikon të gjithë me veshje të bukura dhe të mira. Por ata s’kanë bukë të hanë, dhe shumica shesin pord*ë”, tha Renato.
