Aktori mjaft i talentuar i humorit, Olsi Bylyku, ka rënë pre e një kamere të fshehtë, përgatitur nga kolegët e tij të “Be Coffe”, Besi dhe Erjoni.
Të tre do realizonin reklamën e një pije alkoolike, e në fund do të merrnin zarfat me para si shpërblim për punën e tyre. Erjoni dhe Besi mbetën të kënaqur duke fituar nga 500 euro secili. Ndërkohë që Olsi Bylyku u mërzit, pasi në zarfin e tij pa vetëm 50 euro.
“Kjo reklamë nuk del. Nuk ka shanse. Është ofendim. Unë jap dorëheqjen nesër në Klan!”, u shpreh ai i irrituar.
Pasi kolegët e lanë pak çaste të shfryhej, madje i ofruan edhe paratë e tyre që t’i ndanin përgjysmë, Olsi më në fund e kuptoi se kishte rënë pre e një loje.
