Gjermania u largua nga Botërori i Rusisë akoma pa filluar emocionet e vërteta të këtij kompeticioni. Një zhgënjim i madh, pasi vinin si kampionë në fuqi dhe pretendimet ishin mjaft të mëdha në këtë Botëror, madje kërkonin që të futeshin edhe në histori duke u bërë ekipi i parë që e fiton dy herë rresht. Por një emër i madh i futbollit gjerman si Lothar Matthaus, nuk është kursyer aspak ndaj ekipit dhe ka sulmuar pikërisht lojtarët bavarezë.
Matheus është shprehur se bavarezët nuk ishin në formën e tyre më të mirë, kishin humbur shumë këtë vit dhe ndoshta ishin duke menduar më shumë për veten në këto ndeshje se për kombëtaren. Ndërsa për trajnerin ai ka thënë fjalë mjaft të mira duke e gjykuar vetëm tek përzgjedhja e lojtarëve.
Ekipi ka udhëheqës, por udhëheqësit nuk kanë dhënë asgjë, – tha ai. –Jam duke menduar në veçanti për lojtarët e Bayern Munich; Boateng, Hummels, Neuer, Muller. Përveç Manuel, besoj se askush nuk mund të jetë i kënaqur me punën e tij. Një humbje në gjysmëfinale të Ligës së Kampionëve kundër Real Madridit, një humbje në finale të “DFB-Pokal” kundër Eintracht Frankfurt…”
Nsërsa sa i përket trajnerit Joachim Low, që tashmë ka një kontratë me Gjermaninë deri në vitin 2022, por që e ardhmja e tij është e pasigurt Matthaus është shprehur: “Unë jam një tifoz i tij. Në 12, apo 14 vitet e fundit, ai e ka karakterizuar futbollin gjerman dhe Gjermaninë. Low jo vetëm që e udhëhoqi Gjermaninë në fitimin e Kupës së Botës, por edhe arriti në gjysmëfinale të çdo turneu tjetër.
Nuk ka asgjë për ta qortuar atë, për të gjithë të kaluarën e tij, përveç këtij turneut aktual. Sipas mendimit tim, ai nuk bëri përzierjen e duhur në kombëtare mes ekipit fitues të Kupës së Konfederatave dhe fituesve të Kupës së Botës në vitin 2014. Ishte në fakt një ekip që nuk kishte mundësi të përballonte fizikisht meksikanët dhe koreanët e jugut, veçanërisht ritmin e tyre”.
“Për atë që Maradona ka bërë në karrierën e tij si futbollist, i ka dhënë fisnikëri futbollit. Kurse tani, ta shohësh si sillet në tribuna, është shumë trishtuese”, – ka theksuar Mateus për Maradonën, me të cilin është takuar në Botëror, por edhe në Serinë A.
Ndwrsa për Neymarin ai është shprehur: “Nuk është e nevojshme që Neymar të provokojë kundërshtarin, të kërkojë faulle dhe të rrotullohet pesë apo gjashtë herë pas çdo rrëzimi në fushë. Duhet të heqë dorë nga këto budallallëqe.”
