Fakte të reja dalin nga ngjarja e rëndë, ku mbeti i plagosur ish-kryeministri grek Lukas Papademos dhe shoferi i tij.
Mediat greke raportojnë se Papademos, ka qenë në automjetin e tij pasi ka marrë një zarf, brenda të cilës kishte bombë, dhe pasi e ka kuptuar se çfarë përmbajtje kishte brenda, e kishte hedhur atë në dysheme.
Më pas bomba kishte shpërthyer, duke plagosur atë në fytyrë, duart, bark dhe këmbë, ndërsa bashkë me shoferin, dhe ai i lënduar u transportuar me urgjencë në spital.
Ngjarja ndodhi në lagjen ‘Patission’ në qendër të Athinës.
Sakaq, Zougla raporton se ish-kryeministri, 70 vjeç, i është nënshtruar një operacioni kirurgjikal, ndërsa thuhet se është jashtë rrezikut për jetën. Mediat greke e kanë cilësuar ngjarjen si një akt terrorist.
Lajmi në orën 18:35
Ish-kryeministri grek Lukas Papademos është plagosur rëndë pas një shpërthim të makinës së tij.
Sipas raportimeve të para të medieve greke, mësohet se Papademos dhe shoferi i tij janë plagosur në pjesën e gjykmtyrëve të poshtme.
Gjithashtu, bëhet me dije se ish- kryeministri është transportuar me urgjencë në spitalin kryesor të Athinës dhe pohoet se nuk është në rrezik për jetën.
Policia ka pohuar se nuk është ende e qartë se cili ka qenë shkaku i këtij shpërthimi.
Papademos u emërua kryeministër në nëntor 2011 gjatë trazirave politike dhe ekonomike.
Ai shërbeu në këtë post deri në maj 2012.
