Chelsea barazoi në përballjen me Aletico Madridin në ndeshjen e fundit të fazës së grupeve me rezultatin 1-1. Nga ky barazim përfitoi Roma e cila mposhti Qarabagun e Ansi Agollit dhe mori vendin e parë falë përballjeve direkte. Për Atletico shënoi Saul Niguez dhe pak minuta më vonë u barazua falë një autogoli të Saviç.
Ajo që ka rënë në sy ka qenë forma e dobët që po kalon mesfushori fracez i “bluve” të Londrës, Tiemoue Bakayoko. Ai ishte fajtorë tek pësimi i golit pasi dështoi ta mbulonte Saulin. Lampard nuk është kursyer sa i përket blerjes më të shtrenjtë të mesfushës së Chelseas këtë verë, pasi francezi erdhi nga Monaco për vlerën 40 milionë paund.
“Ai fle – tha Lampart për “BT Sport”. – Përqendrimi i tij humbet, por në të tilla nivele, një dremitje në fushën e lojës e bën shumë më të lehtë për kundërshtarin, konkretisht Atleticon, që të shënojë. Nuk njihem me Bakayokon, por mendoj se është dokumentuar fare qartë se ai nuk është përshtatur shpejt me Chelsean dhe me futbollin anglez të Premier Leagues. Duhet ta bëjë sa më shpejt këtë gjë. Një dremitje në një ndeshje kaq të rëndësishme nuk falet, ndaj ai duhet të përmirësojë lojën e tij, megjithatë është në dorën e Antonio Contes të zgjedhë. Ndoshta Drinkwater mund të luajë shumë mirë në atë rol, gjithsesi shpresoj që Bakayoko të përmirësohet”, tha Lampard. Shorti i fazës së 1/8-ave të Champions League do të hidhet në selinë e UEFA-s në Nion të Zvicrës, të hënën e 11 dhjetorit, në orën 12.
