Kantautori Saimir Çili ka postuar një version të ri të këngës “Ku ke ti moj Ajshe”, ndërsa shkruan se muzikën e kanë përdhunuar. Ai thekson përmes një statusi në Facebook, se degjenerimi vijon, deri në përdhunimin e këngës së kënduar shqip.
Çili nuk e lë me kaq, por ironizon zhveshjen e këngëtareve, për më shumë klipe të nxehta. Sipas tij, vetëm burgu do të jetë zgjidhje për këdo që baltos kulturën.
“Të më falni, po degjenerimi vazhdon e vazhdon në përdhunimin e këngës së kënduar shqip, nga erdhëm e ku po shkojmë.
A është nga Azerbaxhani, Turqia, Maqedonia, Bullgaria, etj, etj, etj (vetëm teksti është shqip), përpos pornografisë së shtuar prej shumë vitesh në video-clipet.
Oooooo Tv çfarë po i bëni kulturës shqiptare.
Se kam vetëm me këtë këngë, por me shumë e shumë e shumë të tjera.
Oooooo producent, çfarë kulture po i servirni brezit të ri….
O Shqipëri, këta janë kriminelët e kulturës tënde të vyer.
Dita e Zisë për muzikën shqiptare ka kohë që ka zbritur në Shqipërinë tonë të dashur.
Vetëm burgu për këto lloj monstrash mund të jetë zgjidhje.
Kush i jep të drejtën këtyre mortjeve të shfrytëzojnë një këngë si “Ku ke ti moj Ajshe”, dhe ta përdhunojnë”.
