UEFA është duke u marrë seriozisht me rastet e trukimit të ndeshjeve dhe me anë të strukturave përkatëse po përpiqet të ndëshkojë këta aktorë. Kjo është një “sëmundje” që ka prekur futbollin gjerësisht kohët e fundit dhe këtu flasim edhe për ligat elitare Evropiane. Por deri sot nuk kemi parë asnjë skuadër të madhe që të ndëshkohet për trukim ndeshjesh nga UEFA, e cila ka bërë shembull disa skuadra të panjohura.
Kjo temë u diskutua edhe në emisionin ‘Fair Play’ në Ora News, ku gazetari njohur sportiv Ervin Baku bëri akuza të forta ndaj UEFA-s. Baku tha se UEFA nuk ka këllqe të merret me skuadra të mëdha si Juventus e Real Madrid ndaj kapet me skuadra të vogla si Skënderbeu.
Ervin Baku: “Ndodh si tek ne, një i varfër mund të vjedhë 2 kile mish dhe bën 5 vite burg, kurse deputeti vjedh miliona dhe është akoma aty e na shet mend ne. UEFA nuk ka këllqe të merret as me Juven, as me Realin, as me Bayerin apo Livepoolin por merret me ne.”
