Sot veteranët e luftës antifashiste nacional çlirimtare, kanë mbajtur homazhe në varrezat “Dëshmorët e Kombit”. Sikundër ndodh çdo vit, ata me pankarta nëpër duar, e me foton e ish-diktatorit Enver Hoxha kanë përkujtuar luftën antifashiste. Të indinjuar me ceremoninë shtetërore për varrimin e eshtrave të Mid’hat Frashërit, nën një zë kanë bërë thirrje kundër qeverisë Rama, duke e quajtur neoballiste.
“Poshtë qeveria neoballiste e Edi Ramës”, deklaruan ata duke akuzuar Mid’hat Frashërin si tradhëtar që masakroi shqiptarët, duke i çuar në kampet e përqëndrimit nazist.
Sipas tyre, Enver Hoxha është një udhëheqës gjenial që shpëtoi Shqipërinë. “Shqipëria u rreshtua në krah të fituesve falë udhëheqësit gjenial Enver Hoxha. Shqipërinë e priste copëtimi territorial, ashtu siç ndodhi me vendet e tjera. Lavdi luftës nacional-çlirimtare”, u tha ndër të tjera.
