Milani është duke kaluar një kaos të vërtetë si në fushën e ojës edhe jashtë saj. “La Stampa” raporton se Prokuroria Publike e Milanos, pas dyshimeve dhe thashethemeve ka hapur zyrtarisht një hetim për shitjen e Milanit. Pas drejtimit 31-vjeçar të familjes “Berlusconi”, Milani u shit në duart e bosit kinez, Yonghong Li, për 740 milionë euro. Edhe pse në prokurori janë depozituar më parë dokumentet që vërtetojnë origjinën ligjore të parave kineze, tani do të jenë në shqyrtim dokumentet e reja, të cilat, siç shkruan “La Stampa”, tregojnë të kundërtën.
Për këtë arsye, magjistratët milanezë duan të shohin njëri-tjetrin qartë dhe kanë vendosur të hapin zyrtarisht një hetim për shitjen e klubit. Për hetuesit, shuma e shitjes së kompanisë ishte fryrë qëllimisht. 740 milionë euro duken shumë, duke pasur parasysh se Milani është “tkurrur” nga disa kampionate zhgënjyese, ndryshimet e vazhdueshme të trajnerëve në stol etj. Edhe dinamika e ngjarjeve, me të cilat u zhvillua shitja e Milanit, nuk i bind ata që hetojnë. Berluskoni kishte hapur shitjen dhe i pari që kishte ardhur ishte ndërmjetësi i panjohur i Thai, Bee Taechaubol, i gatshëm të ofronte edhe 960 milionë dollarë në arkën e “Fininvest”.
Pastaj, misteriozisht, lindën negociata të tjera. Hyri në lojë Yonghong Li, i cili mori përsipër pronësinë e klubit dhe është protagonist (verën e kaluar) i një fushate blerjesh, që kuqezinjtë nuk e mbanin mend për vite me radhë. Por dyshimet fillojnë të qarkullojnë, me një hetim nga “New York Times”, nëntorin e kaluar, që ngre hijet e rënda mbi pronarin e ri, “i panjohur, si në Itali, edhe në Kinë”. Tani hetimet nga prokurorët e Milanos do të hedhin dritë mbi rregullsinë e ndryshimit të pronësisë së klubit të kuqezinjve.
