Qeveria shqiptare ka vendosur që pensionistët të marrin 5 mijë lekë shpërblim, për festat e fundvitit. Lajmi u bë i ditur nga ministri Arben Ahmetaj.
Sipas tij, këtë vit paketa e solidaritetit është e konsoliduar në buxhet, me një shifër konkrete.
“Në mënyrën se si e afrojmë paketën e solidaritetit, nuk ka asnjë lidhje me vitin elektoral. Shikoni kohën kur ne japim bonuese, ndërkohë që ata e kanë dhënë vetëm në vite elektorale.
Paketa e solidaritetit është kthyer në standard, dhe kjo është arsyeja pse e kemi sjellë të konsoliduar në buxhet me shifër konkrete, për të garantuar ata që përfitojnë se qeveria ka vëmendje totale të qytetarët”, tha Ahmetaj.
