Këngëtarja shqiptare, Eleni Foureira, e cila përfaqësoi Qipron në Eurovision dhe arriti të dilte në vend të dytë, u bë një prej personazheve më të përfolur në showbiz. Përveç performancës, këngëtarja u përfol mjaft edhe për shkak të origjinës së saj shqiptare.
Së fundmi, mediat greke kanë zbuluar çdo detaj në lidhje me koston që ajo ka shpenzuar për pjesëmarrjen në Eurovision. Sipas tyre, Eleni ka paguar plot 120.000 euro për garancinë, qëndrimin, ushqimin, biletat, videoklipin, makeup-in, balerinat dhe skenën.
Gjithashtu u zbulua se stilisti i veshjes së saj ishte ai i këngëtares së famshme botërore, Beyonce dhe i shumë yjeve të tjerë.
