Është shpallur në kërkim për shpërdorim detyre ish-drejtori i ALUIZNI-t të qytetit të Durrësit, Flamur Gjuzi. Punonjësja e këtij institucioni Lusiena Kola u arrestua nga policia me urdhër të Prokurorisë pasi Gjykata vendosi “Detyrim paraqitje” për të, ndërsa Gjuzi është shpallur në kërkim.
Raportohet se zyrtarët e ALUIZNI-t kanë shpërdoruar detyrën në legalizimin dhe regjistrimin e disa pronave të paluajtshme. Në bashkëpunim edhe me zyrtarë të tjerë ata dyshohet se u kanë dhënë disa shtetasve, në kundërshtim me ligjin, dokumentet e pronësisë në zonën e bregut si dhe në zona të tjera të qytetit të Durrësit.
