Policia ka shpallur në kërkim ish-deputetin e Partisë Demokratike, Bardh Spahiu. Ky i fundit po kërkohet pas incidenteve të mbrëmshme në Shkodër, ku mbështetësit e opozitës i vunë flakën klasës së shkollës “Shejnza Juka”.
Përplasja ndodhi dje pasi brenda klasës ndodheshin materialet e KZAZ-së për zgjedhjet lokale, të anuluara nga presidenti Meta.
Protestuesit tentuan të merrnin në kontroll ambientet e KZAZ-së. Për incidentin e djeshëm janë arrestuar pesë persona nga policia, 14 të tjerë janë shpallur në kërkim dhe dy të tjerë janë proceduar në gjendje të lirë.
Po ashtu, incidente të shumta ka pasur në Kukës, Kamëz, Bilisht, Burrel, Gjirokastër e Pogradec.
