Klubi i Sheffield United është bërë pjesë e një skandali. Në një seancë gjyqësore, që po zhvillohet aktualisht në Gjykatën e Lartë Angleze, thuhet se Sheffield ka marrë një kredi prej 3 milionë eurosh nga një anëtar i familjes së terroristit më të madh, Osama Bin Laden.
Ditën e enjte, avokati Andres Gledhill QC, i cili po udhëhiqte ekipin ligjor të Abdullahut tha se Kevin McCabe e dinte shumë mirë nga vinin paratë e investuara.
Kevin McCabe shiti 50 për qind të klubit të princit Abdullah Bin Mosaad Bin Abdulaziz Al Saud në këmbim të 10 millionë paundëve në vitin 2013. Megjithatë, kjo marrëveshje u rrëzua katër vite më parë.
Kjo pasi në shkurt të vitit 2013 u zbulua se Princi Abdullah, presidenti aktual i Sheffield mori hua një shifër prej 3 milionë dollarësh, nga një investitor i quajtur Dr Rakan Al Harthy, përmes një kompanie Charwell Investments Limited. Ky i fundit mësohet se është një anëtar i familjes së Bin Laden.
