Politikë

Ish-deputeti: Rama bën kryebashkiak ish-gardistin e 21 janarit, të infiltruarin e PS

               Publikuar në : 19:30 - 16/05/19 Enno

Ish-deputeti i Partisë Demokratike, Klevis Balliu shprehet se Rama në fjalimet e tij e ka vërtetuar shumë herë që ish-gardistit Agron Malaj, tani kandidat për Bashkinë e Burrelit, ka qenë i infiltruar i Partisë Socialiste në protestën e vitit 2011, ku mbetën të vrarë katër protestues.

Basha i bën thirrje kryeprokurores Arta Marku, që të hetojë Edi Ramën dhe ish-gardistin, që sipas tij rezulton të ketë nxjerrë informacione të klasifikuar duke cenuar sigurinë kombëtare.

Ndër të tjera, Balliu thekson se në asnjë vend të botës, nuk ndodh që një parti politike të infiltrojë njerëz në një protestë ku u vranë qytetarë.

Statusi i plotë:

Rama fakton: I infiltruari i PS përgjegjës për vrasjet e 21 janarit

Kryeministri thotë që kryetari i grupit të zjarrit paska qenë i infiltruar, që do të thotë që ky njeri paska nxjerrë informacione të klasifikuar. E me pak fjalë gardisti kandidat për kryebashkiak ka cënuar sigurinë kombëtare.

Për raste të tilla Xhorxh W Bush i ka çuar këta individë si tradhëtarë në Guantanamo, ndërsa Edvini i bën kryetar bashkie.

Si nuk është arrestuar akoma? Kjo është një akuzë direkte për Kryeministrin. Zonja Marku keni Edi Ramën dëshmitar publik që ky njeri ka nxjerrë informacione të Gardës që mbron institucionet, pra sigurinë kombëtare të vendit.

Duhet drejtësi për gardistin kryebashkiak dhe kryeministrin gardist.
Nuk ka ndodhur në asnjë vend të botës që një parti politike të infiltrojë njerëz në një protestë ku u vranë qytetarë, por kjo vërteton se Rama mund të ketë infiltruar dhe vrasës të tjerë.

Kthehu
WhatsApp Denonco ne TT