Duket se gjërat për Eli Farën nuk kanë qenë aspak të lehta në fillim. E pyetur nga Fatma dhe Aulona në “ Thumb”, se cila ka qenë periudha më e vështirë e jetës së saj, këngëtarja përmendi vitet ’90. Ndër të tjera, Eli Fara kujton se si ajo dhe brezi i saj nuk kishin bukë të hanin.
“Ne jemi brezi që e kemi nisur gjithçka nga zero”, tha Eli. “Unë mund të mos kisha edhe bukë të haja, dhe nuk e merrte vesh askush. Mbaj mend që edhe kur shkoja te babi, ai më pyeste; ‘ke nevojë për gjë, të duhet gjë, të duhen lekë?”. Unë mund të isha pa asnjë kokërr leku në xhep, por i thosha ‘jo, kam’”. “Po, kur e kujtoj sot, ndihem shumë krenare, sepse njeriu duhet të ketë karakter”, ka thënë ajo.
