Policia italiane ka vënë në pranga tre të rinj shqiptarë të cilët janë kapur në flagrancë ndërsa po grabisnin një vilë në Bolonja. Tre të rinj të moshës 18, 19 dhe 20 vjeç, rreth orës 17: 30 dje pasdite kishin thyer një dritare të katit përdhes të një vile të vogël në Via di Roncrio.
Zhurma u ndje nga djali i pronarit të shtëpisë, një 20 vjeçar i cili ndodhej në katin e sipërm. Ai kishte zbritur i mbështjellë më peshqir për të mos lejuar shqiptarët që të vidhnin.
Por, shqiptarët ishin treguar të shkathët e kishin parë atë dhe ishin arratisur. Ai menjëherë kishte thirrur policisë, ndërsa shqiptarët po largoheshin nga kopshtet e fqinjëve.
Ata janë bllokuar menjëherë nga policia në tentativë për t’u arratisur. Në shtëpinë ku jetonin të tre shqiptarët, u gjetën mallrat që ata kishin vjedhur./Tirana Today/
