Gjatë natës është përpirë nga flakët një traget me 875 pasagjerë në bord, në detin Egje. I referohemi tragetit “Elefterios Venizelos”, i cili bënte linjën Hania-Pire. Dëshmitarët thonë se shkak i zjarrit mund të jetë bërë një shpërthim në garazhin e tragetit.
Trageti mbërriti në Portin e Pireut, aty ku u bë edhe evakuimi i pasagjerëve dhe një pjesë e mjeteve.
Në bordin e tij ndodheshin edhe shumë emigrantë e turistë shqiptarë, por fatmirësisht nuk raportohet për të lënduar.
