Një grua e moshuar ka humbur jetën, pasi ka mbetur e bllokuar në banesën e saj që është përfshirë nga zjarri.
Ngjarja e rëndë ka ndodhur në fshatin Pleshë, Bashkia Klos, ku ka rënë zjarr në banesën e shtetases me inicialet B.D., rreth 80-vjeçe.
Nga të dhënat e para, policia bën me dije se zjarri është shkaktuar aksidentalisht, nga shkëndija në sistemin elektrik brenda në banesë.
Njoftimi i policisë
Rreth orës 21:15, shërbimet e Komisariatit të Policisë Mat kanë marrë njoftim se në fshatin Pleshë, Bashkia Klos, ka rënë zjarr në banesën e shtetases B. D., rreth 80-vjeçe, ku si pasojë ka humbur jetën. Nga veprimet paraprake të kryera, dyshohet se zjarri është shkaktuar aksidentalisht, nga shkëndija në sistemin elektrik brenda në banesë. Grupi hetimor ndodhet në vendngjarje, dhe po punohet për zbardhjen e plotë të shkaqeve të ngjarjes.
