Mbëmjen e djeshme, flakët e zjarrit kanë përfshirë një banesë në Durrës. Ngjarja ka ndodhur në lagjen nr.1 të qytetit bregdetar, e ndërsa banesa ndodhet në katin e nëntë të një pallati.
Mësohet se 4 banorë të cilët janë gjendur të asfiksuar, janë evakuuar dhe janë dërguar në spital, për të marrë ndihmën e parë. Dyshohet se banesa është përfshirë nga flakët, për shkak të një dysheku me ngrohje që kishte familja.
Në vendngjarje kanë mbërritur menjëherë forcat zjarrfikëse, të cilat ndonëse e kanë patur të vështirë ta normalizojnë situatën, kanë arritur t’i shuajnë flakët. Momentalisht po punohet për zbardhjen e shkaqeve të rënies së zjarrit.
