“Çmimi Kadare” i kthyer tashmë në traditë në letërsinë shqipe, u akordua gjatë Ditëve Letrare të Razmës dhe atë e fitoi shkrimtari Musa Ramadani.
Juria prej pesë anëtarsh e drejtuar nga shkrimtari dhe përkthyesi Bashkim Shehu u mblodh për herë të fundit gjayë Konferencës Shkencore “Kujtesa dhe Letersia” e cila u organizua nga Departamenti i Komunikimit dhe Marrëdhënieve me Publikun të Universitetit Europian të Tiranës.
Vlera e këtij cmimi që përfitoi shkrimtari Musa Ramadani është 10 mijë euro si edhe botimin e librit nga Botimet Mapo.
“Çmimi Kadare” 2017 u akordua nga Instituti Europian Pashko me mbështetjen e Universitetit Europian të Tiranës, ku në listën finale të jurisë ishin 6 autorë me veprat e tyre, nga 36 dorëshkrime nga autorë të ndryshëm nga të gjitha trevat shqipfolëse që janë dorëzuar gjatë muajve të aplikimit për këtë çmim.
Ceremenonia e dhënes së “Çmimi Kadare” 2017 do të zhvillohet në ditët në vazhdim në Universitetin Europian të Tiranës.
