Shumë vepra botërore janë shkruar në emër të dashurisë, sakrificës dhe dinjitetit. Por ajo që nuk dimë shpesh është arsyeja apo pasioni që nxiti këta autorë për të shkruar. Së fundmi është mësuar se disa prej autorëve më të mëdhenj kanë qenë nën efektin e kokainës kur kanë shkruar “perlat” e tyre.
Stephen King
Stephen King nuk e fsheh faktin që shumë prej veprave të tij u shkruan nën efektin e kokainës. Në një intervistë ai thotë se konsumonte kokainë nga viti 1978 deri në 1986, kohë në të cilën ai shkroi rreth 10 novela.
Ken Kesey
Ken Kesey punoi si asistent psikiatër në një spital në vitin 1959. Ai mori pjesë në disa eksperimente, ku trajtohej trupi i njeriut pas përdorimit të LSD. Në vitin 1964 ai realizoi një revolucion në SHBA, ku krijoi një grup që konsumonte vazhdimisht LSD.
Jean-Paul Sartre
Sipas Annie Cohen-Solal, që shkroi biografinë e ekzistencialistit të madh Jean-Paul Sartre, dieta e tij e përditshme ishte: 2 pako cigare, një çift tubash duhani, 1/4 shishe pije alkoolike, 200 miligramë amfetamine, 15 gram aspirina, një paketë barbiturate, dhe rreth 20 cordran (një përzierje e amfetaminë dhe aspirina). Shkrimtari vdiq në moshën 74 vjeçare.
Vladimir Mayakovsky
Fakti interesant: në post-revolucionin rus, ishte më e lehtë të gjeje kokainë sesa një shishe vodka. Nuk kishte as rregulla dhe as ligje që e ndalonin. Ajo u shit në tregje dhe në dyqanet e cigareve. Kjo është dhe origjina e mitit që romani më i gjatë që Vladimir Mayakovsky kishte shkruar ndonjëherë ishte nën efektin e kokainës.
Charles Dickens
Charles Dickens jetoi në periudhën viktoriane, kur përdorimi i drogës (opiumit dhe kokainës) ishte popullor, i lirë dhe jo i ndaluar nga mjekët. Ndonjëherë drogat shiheshin si antidepresantë. Shkrimtari i madh ishte i varur nga droga, madje këtë e thonë edhe shumë njerëz që e njihnin atë dhe vizionet që ai kishte, sjelljen e tij të çuditshme.
Sigmund Freud
Në 1884, Sigmund Freud u interesua për herë të parë për kokainën. Gjatë 3 viteve të ardhshme, ai botoi disa vepra shkencore ku u habit nga ajo që mund të bënte kokaina. Ai filloi ta përshkruante atë tek nusja e tij dhe e rekomandoi tek miqtë e tij. Por në fillim të vitit 1887, shkencëtarët kuptuan se kokaina nuk ishte aq e padëmshme sa ç’mendohej më parë dhe Freud u gjykua për propagandë. Ai u pendua për atë që bëri dhe u përpoq ta largojë varësinë nga droga. Tirana Today/
