Shërbimi për Çështjet e Brendshme dhe Ankesat, transformohet në Agjenci për Mbikëqyrjen Policore. Pas miratimit në Kuvend të ligjit, publikimit në fletoren zyrtare këtë të enjte, hyjnë në fuqi ndryshimet e reja.
Agjencia e Mbikëqyrjes Policore do të ketë disa funksione të rëndësishme, duke nisur nga dhënia e Certifikatës së Sigurimit të Personelit, Vettingu në polici, e deri tek përgjimet ambientale. Kjo agjenci merr një sërë kompetencash që nuk i kishte SHÇBA-ja.
Një ndër dallimet më thelbësore mes SHÇBA-së dhe AMP-së është edhe emërimi i titullarit. Drejtuesi i Agjencisë emërohet dhe lirohet direkt nga kreu i ekzekutivit, ndërsa kreu i SHÇBA-së emërohej nga ministri i Brendshëm.
