Ministri i Brendshëm Fatmir Xhafaj teksa ka bërë analizën në qarkun e dhënë mesazhe të qarta për drejtuesit e policisë së Shkodrës. Xhafaj në fjalën e tij ka qenë i prerë ndaj përfaqësuesve të policisë Shkodër, ndërsa ripërsëriti qëndrimin se grupet kriminale duhet të goditen më çdo kusht.
Ai ua bëri të qartë forcave policore që të godasin grupet kriminale dhe jo qytetarët e thjeshtë që kapen në flagrancë duke ndërtuar çati, pa marrë leje. Ministri Xhafaj deklaroi se janë 4-5 grupe që duhen goditur, pasi policia po punon intensivisht për identifikimin dhe kapjen e tyre.
“Janë 4-5 grupe te rëndësishme kriminale qe duhen goditur. Mos u merrni me hallexhinjtë qe vendosin nje çati. Bosët e krimit jane vërdalle dhe ata duhen goditur. Bosët e krimit nuk duhen falur për asnjë arsye. Ai qe përmend emrin tim te goditet i pari. Dua një integritet nga te gjithë policet, nga shefat deri tek polici me i thjeshte, te mos ketë një sjellje harbute me qytetaret. Beni kujdes me Vettingun, nuk do ti shpëtoje asnjë. Tolerenca ndaj krimit do te jete 0. Kërkoj nje korrektësi maksimale dhe te goditen ata qe cilësohen si te forte. Nese marr vesh se ka tolerime për ndërtime te mëdha pa leje, përfshirje ne lejimin e trafiqeve te drogës te policisë do jem une i pari qe s’do lejoj dhe do përballeni me ligjin. Fytyra e policisë se shtetit duhet të ndryshoje totalisht”-u shpreh Xhafaj.
