Një 51-vjeçar, baba i tetë fëmijëve, ka humbur jetën mesditën e sotme në Shkodër, pasi po tentonte të rilidhte energjinë elektrike. Viktima është identifikuar si Frrok Bregu, me banim në fshatin Bardhaj të Shkodrës.
Burime zyrtare nga OSHEE bënë me dije se familja Bregu rezultonte prej vitesh debitore, kjo për shkak të mospagesës së faturave të energjisë elektrike, e cila prej 10 ditësh i ishte ndërprerë.
Për shkak të vështirësive ekonomike, për të shlyer detyrimet ndaj shtetit, i ndjeri kishte tentuar që të rilidhte energjinë, e ku për fat të keq rezultoi fatale për kryefamiljarin.
