Mbrëmjen e sotme i është vendosur granatë punonjësit të Tatimeve në Shkodër. Ngjarja e rëndë ka ndodhur në vendin e quajtur Ura Dervishbeg. Nga të dhënat e para mësohet se objekt i sulmit është bërë mjeti i Nehat Zaganjorit.
Fatmirësisht granata e vendosur në mjetin tip ‘Benz’ nuk ka shpërthyer. Aktualisht në vendin e ngjarjes ndodhen forca të policisë.
Grupi hetimor nga të dhënat e para ka dyshime se sinjali kërcënues ndaj punonjësit të Tatimeve është për shkak të detyrës.
Kujtojmë se Shkodra është cilësuar nga policia si kryeqendra e veriut ku veprojnë grupe të rrezikshme kriminale.
