Kompanitë dhe institucionet akademike janë në garë për të shpikur të parët vaksinën ndaj koronavirusit. Aktualisht rreth 35 kompani po garojnë për të krijuar një vaksinë të tillë. Katër prej të cilave tashmë kanë mostra që janë testuar te kafshët.
Një virolog turk ka izoluar me sukses koronavirusin e ri (COVID-19), në përpjekje për të prodhuar një vaksinë kundër kësaj sëmundje vdekjeprurëse.
“Drejtori i Institutit të Bioteknologjisë të universitetit tonë, Prof. Dr. Aykut Özkul, arriti me sukses të izolojë virusin SARS-COV-2. Gjë që është hapi i parë i prodhimit të serumit, vaksinës dhe ilaçeve kundër koronavirusit“, shkroi në një postim në twitter Universiteti i Ankarasë.
Numri i personave të infektuar në të gjithë botën ka shkuar në 1.274.346. Ndërkohë, 69.485 persona kanë humbur jetën, dhe 264.838 të tjerë kanë fituar betejën me COVID-19.
Europa mbetet epiqendra e COVID-19. Në Itali janë shënuar 15.887 viktima, ndërsa në Francë 8.078. Virusi po bën namin edhe në Spanjë, ku aty kanë humbur jetën 12.641 persona.
