Rezultatet e kërkimit në Google nga e gjithë bota, japin sinjale të qarta në përcaktimin e simptomave të koronavirusit të pazbuluar. Ky është mendimi i studiuesve që merren me kërkimet për virusin vdekjeprurës.
Humbja e nuhatjes duket se është ndër simptomat kryesore e të prekurve me COVID-19. Madje shumica e studiuesve ndajnë të njëjtën qëndrim se humbja e ndjesisë së nuhatjes dhe të shijuarit është një simptomë e Covid-19, që prek deri në 60% të atyre që kontraktojnë sëmundjen.
Seth Stephens-Davidowitz shpjegoi se si kërkimet në Google për “humbje e ndjesisë së nuhatjes” përafrohet me numrin e rasteve pozitive të koronavirusit. Ai beson se dhimbja në sy mund të jetë një tjetër sinjal jozyrtar i sëmundjes.
Shkencëtari parashikoi se Ekuadori mund të bëhet epiqendra e re e koronavirusit, bazuar në kërkimet në motorin kërkimor.
“Në mënyrë të dukshme, kërkimet në lidhje me dhimbjet në sy u katërfishuan përgjatë mesit të shkurtit dhe marsit në Spanjë. Në Iran u rritën për 50 për qind. Në Itali, kërkimet për djegie të syve u rritën pesë herë më shumë në mars”, u shpreh ai.
Gjithsesi, ky përfundim ende mbetet në kuadrin e një kërkimi, pasi ende nuk ka ndonjë bazë shkencore mbështetëse.
