Bayern Munich ka siguruar titullin e 28 dhe të gjashtin radhazi në Bundesligë, kur duhen dhe 5 javë të mbyllet kampionati. Bavarezët e Jupp Hetnckes mbajnë vendin e parë me 20 pikë më shumë nga Schalke e vendit të dytë, edhe pse kjo e fundit luan përballë Hamburgut në mbrëmje cilido qoftë rezultati Bayerni është i paarritshëm.
Viktima e radhës e rekordmenëve ishte Agsburg që nuk luan për asgjë teksa ndodhet në mesin e tabelës dhe është mundur me rezultatin e pastër 4-1. Ishin vendasit ata që kaluan të parët në avantazh pas autogolit të Sule. Por dy golat e shpejtë të Tolisso dhe Rodriguez përmbysën gjithçka që në pjesën e parë për bavarezët. Pas pushimit ai q vulos triumfin e Bayern është Arjen Robben me një gol të bukur me të majtën në minutën e 62’.
Pas golit të tretë vizitorët bënë një punë të mirë në menaxhimin e lojës duke ruajtur edhe energjitë për ndeshjen e kthimit ndaj Sevilla-s në Allianz Arena. Ky është titulli k shtatë radhazi për Bayern që vazhdon të thyejë rekorde pasi asnjë ekip gjerman nuk e ka bërë një gjë të tillë.
