Kur në kanionet e Osumit vetë ministri i Energjetikës, Damian Gjiknuri nuk e ka të qartë situatën se çfarë do ndodhë, nga ana tjetër është në dijeni të plotë dhe e konfirmon saktësisht se në Valbonë po ndërtohen 3 HEC-e.
Sipas tij, këto nuk janë dhënë në parqet e mbrojtura, por janë të spostuara në vendet ku nuk ka ndikime negative.
Teksa ka folur në “Studio e Hapur”, Gjiknuri ka shtuar se është marrë leja dhe ka filluar puna për ngritjen e tyre në lumin e Valbonës, por shton se janë marrë të gjitha masat që projekti në fjalë të mos ndikojë negativisht në mjedis.
“Nuk kemi dhënë HEC në zonë të mbrojtur në Theth. Po do të ndërtohen. Por jo në zonë të mbrojtur, por larg saj. Ju e merrni të gjithë zonën. Tek Osumi, në pjesën e poshtme të tij, nëse nuk ka lidhje me kanionin, ska lidhje. Për pjesën e Valbonës e kemi sqaruar. HEC ka marrë lejen dhe ka nisur puna. KKT ka dhënë lejen dhe atij projekti i kemi kushtuar vëmendje që të mos ketë impakt mjedisor”-shtoi Gjiknuri.
