Policia greke ka shkatërruar një rrjet të trafikut të drogës, i përbërë vetëm nga shtetas shqiptarë.
Mësohet se në pranga kanë rënë gjashtë persona, mes të cilëve një femër, identiteti i të cilëve nuk dihet ende. Ata akuzohen si pjesëtarë të një rrjeti që trafikonte drogë në qendër të Athinës, por edhe në disa ishuj të Greqisë.
Policia kontrolloi dy banesa në zonën e Pireut, të cilat shërbenin për magazinimin e drogës, ku gjeti dhe sekuestroi 15,8 kg kanabis dhe 38 gramë kokainë.
Sipas policisë, një sasi e këtij kanabisi ishte përgatitur që të dërgohej në ishullin Lesvos, ndërsa mësohet se janë sekuestruar edhe dy automjete, një motoçikletë, dy peshore precizioni dhe 13 celularë.
