102 deputetë kanë votuar për shkarkimin e kryeprokurores Katica Janeva. Këshilli i prokurorëve i kishte dorëzuar Kuvendit një material voluminoz, mbi hetimet që janë bërë ndaj Janevës nga Prokuroria kundër Krimit të Organizuar dhe Korrupsionit.
Sipas hetimeve të bëra, ekzistojnë dyshime të bazuara për “keqpërdorim të detyrës” nga kryeprokurorja Janeva, në rastin e zhvatjes nga afaristi, Orce Kamev, të 1.5 milion euro nga dy të arrestuarit e tjerë në këtë rast, Bojan Jovanovski dhe Zoran Milevski.
Lidhur me këtë rast, Kuvendi i Maqedonisë së Veriut shkarkoi kryeprokuroren speciale Katica Janeva, e cila ndodhet në paraburgim si e dyshuar në rastin “Reketi”.
Për shkarkimin e saj kanë votuar të gjithë deputetët që morën pjesë në votim, si të partive në pushtet ashtu edhe në opozitë.
