Një gabim i rëndë, ka bërë që i gjithë stafi i një spitali të pushohet nga puna, duke filluar nga infermierët, deri te drejtori.
Ngjarja ka ndodhur në një spital të Nairobit në Kenia, ku mjekët kryen një ndërhyrje kirurgjikale te pacienti i gabuar. Kështu, personi që kishte mpiksje gjaku në tru dhe që kishte nevojë për ndërhyrje, është ngatërruar me një person i cili po trajtohej për ënjtje.
Ky i fundit është marrë nga mjekët, për ta futur në sallën e operacionit, ndërsa kanë kërkuar për orë të tëra mpiksjen e gjakut në tru, por pa rezultat. Ata e kanë kuptuar shumë vonë faktin që kishin ngatërruar person, ndërsa ndaj tyre ka nisur edhe një hetim.
