Për shkaqe ende të paqarta, mësohet se sot është shkarkuar nga detyra drejtoresha e Tatimeve në Vlorë, Pranvera Resulaj. Në vend të saj është vendosur drejtoreshë e komanduar Evis Ago.
Kujtojmë se Resulaj është cilësuar nga kryeministri Edi Rama një vit më parë, si një ndër drejtueset më të dalluara në administratë.
“Është rast unikal, s’kam asnjë ankesë për të. Që vlonjatët të ngrenë dorë dhe të shkruajnë mbi tastierë fjalë të mira, kjo nuk ndodh”. Kështu ka deklaruar Rama për drejtoreshën në tetor të 2017-ës.
Po ashtu, Resulaj ka qenë në qendër të kritikave dhe akuzave të opozitës për pjesëmarrjen e saj në fushatën elektorale të vitit 2017, si një shkelje e hapur e ligjit, paralelisht kur drejtonte drejtorinë e Tatimeve në Vlorë.
