Pas atentatit mafioz të ndodhur pasditen e sotme rreth orës 19:40, në “Sheshin e Flamurit” Vlorë, ku mbetën të vdekur drejtor i OSHEE-së Roland Saliu dhe Erven Hyseni, pronari i “Vlora Channel”,Tirana Today ka zbuluar arsyen e kësaj ngjarjeje.
Nga këto burime konfidenciale nga Policia e Shtetit, mësojmë se Erven Hyseni, pronari i “Vlora Channel” është person me precedent kriminal në Itali.
Po ashtu, thuhet se Hyseni ka ushtruar veprimtari “Shfrytëzim Prostitucioni” dhe ka qenë në kërkim nga policia e shtetit fqinj.
Ndërsa, drejtor i OSHEE-së Roland Saliu i cili ishte duke pirë kafe së bashku me Hysenin njihet si person serioz dhe është vrarë gabimisht.
Gjithashtu pohoet se Saliu nuk ka qenë i përfshirë në ndonjë veprimtari kriminale.
Sipas informacioneve të fundit për Tirana Today, paraprakisht duke parë edhe të dhënat e Hysenit dyshohet se vrasja mund të ketë ndodhur për hakmarrje ose larje hesapesh.
Sakaq, Policia e Vlorës ka njoftuar se në afërsi të Panajasë, pranë mbikalimit, është konstauar një mjet tip “BMV” me targë AA 348 PC, i cili kishte marrë flakë.
Për shkak të ndërhyrjes së zjarrfikëses është bërë e mundur shuarja e flakëve të zjarrit dhe për pasojë mjeti është dëmtuar pjesërisht. Dyshohet se mund të ketë lidhje me vrasjen.
Policia ka ngritur pika kontrolli në qytet, me qëllim identifikimin dhe kapjen e autorëve. Grupi hetimor ndodhet në vendngjarje duke kryer veprimet e mëtejshme procedurale.
(TIRANA TODAY)
