“Superclasico” e Amerikës Latine Boca Junior-River Plate, që për herë të parë është edhe një finale e Kupës Libertadores apo Championsit nuk ka pasur shumë fat. Të apasionuarit e futbollit do të duhet të presin edhe një ditë për të shijuar përballjen e dy klubeve legjendare të Argjentinës.
Ndeshja, që do të luhet nesër në 20:00, është shtyrë për shkak të reshjeve të mëdha të shiut që e kanë bërë të pamundur zhvillimin e sfidës në orën 21:00 të mbrëmjes së sotme.
Spanjollja “AS” ka publikuar një video që tregon përmbytjen e “La Bombonera”-s, stadiumi i Boca-s, që duket si një pishinë.
