Një status i publikuar nga ish-kryeministri Berisha, krijoi shumë zhurmë në lidhje me biznesin e ish-deputetes demokrate, Lajla Përnaska, e cila shiste kollare të kryeministrit Rama. Një qytetare e revoltuar madje komentoi tek statusi në fjalë, duke iu drejtuar Berishës se bëhet fjalë për një biznes të ndershëm, ndaj nuk duhet që ta teprojë.
https://tiranatoday.com/zbardhen-mesazhet-anetarja-e-kryesise-se-pd-i-shkruan-berishes-more-ne-qafe-ish-deputeten-tende/
Por në një intervistë për “IN News”, Lajla Përnaska na ka shuar kureshtjen. “Modelistët tanë kanë pasur një atraksion nga kombinimi i ngjyrave të z. Rama, dhe fakti që mbasi janë aplikuar dhe integruar në modelin 3D, kanë dalë produkte vërtet shumë interesante. Kjo tregon se kombinimi i ngjyrave është i duhuri për të nxjerrë një produkt 3D”, është shprehur ajo.
Përnaska vlerëson shumë artin e kryeministrit Rama, ndaj dhe kompania që ajo drejton ka zgjedhur që të testojë produktet e saj. “Ka dalë një gjë shumë interesante dhe e veçantë, por që dua të theksoj se nuk janë në shitje, por vetëm të ekspozuara. Nuk bëhet fjalë për ndonjë marrëveshje shitjeje, deri në këto momente që flasim”. Çmimet e një kravate të tillë për tregun shqiptar justifikohet me teknologjinë dhe punimin e tyre.
Lidhur me debatin politik të ditëve të fundit, Lajla Përnaska iu përgjigjet në këtë mënyrë: “Unë nuk gjej dot ndonjë arsye denoncimi. Sepse realiteti është ky që ne po shpalosim edhe nëpërmjet medias tuaj. Ne jemi në një aktivitet biznesi”.
