Pas debateve të shumta në lidhje me atë se çfarë është diskutuar dhe cilat janë pikat që kanë rënë dakord pala shqiptare me atë greke, ka reaguar edhe Presidenti i Shqipërisë Ilir Meta.
Meta shkruan se ai po ndjek më vëmendjen çështje, por jo me nxitim, ndërsa rikujton se veprimet e tij, do të jenë në përputhje të plotë më Kushtetutën dhe kompetencave ligjore, politike ndaj kësaj çështje.
Në reagimin e Presidentit ndër të tjera thuhet se është e rëndësishme që çështjet të trajtohen me transparencë, gjithëpërfshirje dhe konform kushteve dhe rregullave të parashikuara në kushtetutë.
Ai shkon më tej teksa shkrua se diskutime të tilla janë në interes të dyja vendeve, por kjo duhet të bëhet sipas ligjeve ndërkombëtare dhe interesave reciproke mes palëve.
Reagimi i Presidentit Meta
Të dashur komentues, i jap të drejtë shqetësimit tuaj, të nxitur edhe nga lajmet dhe deklaratat e ndryshme lidhur me marrëveshjen e detit me Greqinë.
Unë jam duke ndjekur me shumë vëmendje dhe kujdes, por jo me nxitim, këtë çështje të rëndësishme dhe si President i Republikës do të veproj konform Kushtetutës dhe kompetencave e përgjegjësive politike, ligjore e publike ndaj kësaj çështjeje.
Marrëdhëniet me Greqinë janë shumë të rëndësishme dhe trajtimi i tyre me transparencë, gjithëpërfshirje dhe konform Kushtetutës, ligjeve ndërkombëtare dhe interesave reciproke të të dy vendeve do të kontribuonte pozitivisht për një progres të tyre, më të fortë, të qëndrueshëm dhe të dëshiruar nga të gjithë.
