Besnik Hasi është ende pa ekip, që pas shkarkimit nga trajner i ekipit grek të Olympiacosit. Edhe pse ai i kishte kualifikuar për në Champion League, grekët u mjaftuan vetëm me pesë javët e para të kampionatit për ta shkarkuar. Pasi ekipi ndodhej në vendin e pestë dhe ishte mposhtur në derbin e qytetit. Por në këto rezultate nuk ishte faji i Hasit, pasi kishte edhe tradhti brenda ekipit që sollën këto rezultate, për faktin se ata po drejtoheshin nga një shqiptar.
Por kjo “telenovelë” nuk mbaron këtu, pasi në rastin kur e shkarkon klubi një trajner ai është i detyruar të paguaj rrogën e tij deri në përfundim të kontratës, nëse trajneri nuk aktivizohet diku tjetër. Dhe Hasi deri në këto momente mbetet i papunë dhe si detyrim ai duhet të vazhdoj të paguhet nga Olympiacos. Këta të fundit nuk e kanë respektuar kontratën dhe për këtë arsye Hasi ka qenë i detyruar ti drejtohet gjykatës. Ai ka hedhur në gjyq klubin grek për mosrespektim të kontratës dhe se i detyrohet 1.2 milion euro si ç’ishte parashikuar në kontratë.
