Shqipëria konsiderohet si prodhuesi më i madh i naftës së papërpunuar në Ballkanin Perëndimor por nga ana tjetër vuan nga varfëria. Ky konstatim vjen nga Instituti i Energjisë për Evropën Juglindore.
Shoqata shqiptare e Energjisë (AEA), ka vlerësuar se vendi ynë ka rezerva të larta të naftës që shkon deri në 400 milionë tonë, megjithëse kërkohen investime të mëtejshme për kërkim dhe zhvillim.
“Shqipëria konsiderohet si një ndër vendet më të pasura në Evropë sa i takon rezervave të hidrokarbureve në tokë”-shprehet Erlet Shaqe, kryetar i AEA-s për Evropën për Zhvillim, në një prononcim për “Emerging Europe”.
Duke nisur që nga viti 2004, janë nënshkruar 16 marrëveshje sa i përket eksplorimit të naftës dhe të gazit, nga të cilat vetëm pesë janë në fazën prodhimit. Kompanitë që janë aktualisht prodhuese janë Bankers. Transatlantik, Transoil, Sherwood dhe Phoenix. Bazuar në të dhënat e Ministrisë së Infrastrukturës dhe Energjetikës, 90 për qind e prodhimit të naftës së papërpunuar në citin 2016 i përket kompanisë së Bankers Petroleum.
Po lind pyetja se përse nuk po përfiton vendi nga industria naftës? Por sipas Shaqe, kjo është një çështje që i përket mënyrës se si janë bërë marrëveshjet me këto kompani.
“Ky fakt tregon jo vetëm mungesën e përgatitjes dhe zbatimit, por edhe kontrollin e dobët të inspektimit, monitorimit, kontrollit dhe auditimit të subjekteve publike: si të MIE, AKBN dhe Albpetrol ShA”-vijon Shaqe.
Institucioni i Lartë i Shtetit Shqiptar i Auditimit ka përfunduar një auditim për proceduarat dhe Rezultatet e Marrëveshjeve të Naftës në Shqipëri. Në nisje të vitit 2017 ndikimi në ekonomi i përdorimit të aseteve nëntokësore ka qenë në kufijtë e minimales, si në aspektin mbi format e punësimit ashtu edhe tek të ardhurat buxhetore në ekonominë e vendit.
“Shqipëria vlerësohet të ketë më shumë rezerva prej më shumë se 277 milionë fuçi dhe zona e naftës Patos-Marinëz-Kolonjë, e njohur si fusha më e madhe e naftës në Evropën kontinentale. Por vetëm 2.18 për qind u shfrytëzuan në mes të 2010 dhe 2014”-theksoi Shaqe.
Por ka edhe zhvillime pozitive në pikëpamjen e Shaqes pasi sipas tij, Korporata Pennine Petroleum ka përfunduar një marrëveshje në lidhje me Bllokun Velca.
“Ata kanë marrë miratimin e qeverisë, e cila hap rrugën për procedura të tjera. Marrëveshja bazohet në ndarjen e prodhimit, hulumtimit, zhvillimit dhe prodhimit të hidrokarbureve dhe është e lidhur me kompaninë shtetërore të naftës nën menaxhimin e Bllokut Velca. Shell është gjithashtu aktive, pasi ka investuar mbi 270 milionë dollarë në Shqipëri pas një zbulimi shumë pozitiv në fushën e naftës Shpiragu-2”- përfundon ai.
Përshtati: TIRANA TODAY
