Edhe pse në Shqipëri ka një rënie të lindshmërisë nga viti në vit, vihet re një rritje e lehtë e numrit të lindjeve te adoleshentet. Ky fenomen shihet si një problem nga specialistët, teksa sipas një studimi demografik, 4% e adoleshenteve janë bërë nëna ose janë në pritje të fëmijës së parë.
Ndërkohë, 10 vite më parë, pra në periudhën 2008-2009 lindja në moshë minore ishte në nivelin 3%. Sipas ekspertëve, 2% e adoleshenteve kanë fëmijë tashmë, ndërsa më shumë se 1% janë shtatzëna.
Për sa i takon lindjeve totale apo që vihet re, është rritja e fertilitetit duke bërë që çiftet shqiptare të lindin gjithmonë e më pak fëmijë.
Edhe sipas të dhënave të Institutit të Statistikave, numri i lindjeve për tremujorin e tretë 2018 ka pësuar një rënie prej 19,7 %, krahasuar me tremujorin e tretë 2017, raporton Klan.
Numri më i ulët i lindjeve regjistrohet në qarkun e Gjirokastrës, 111 lindje, ndërsa më i larti regjistrohet në qarkun e Tiranës me 2.287 lindje.
Rënien më të madhe të numrit të lindjeve gjatë kësaj periudhe e paraqet qarku i Vlorës me 31,3 % dhe qarku i Korçës me 28,7 %.
